პატარა მწერლების პროგრამა

საიდან იწყება ისტორია და როგორ იბადება მისი მთავარი გმირი?

ბავშვები აღმოაჩენენ, რომ საინტერესო ისტორია შეიძლება იმალებოდეს ყველგან: ყოველდღიურ ამბავში, მოგონებაში, უცნაურ შეკითხვასა თუ გამოგონილ სამყაროში.

ისინი ისწავლიან იდეაზე მუშაობას და შექმნიან საკუთარი მოთხრობის მთავარ გმირს.

ვინ ცხოვრობს მთავარი გმირის სამყაროში და რა უნდა მოხდეს მოთხრობაში?

ბავშვები შექმნიან სხვადასხვა პერსონაჟს, განსაზღვრავენ მათ როლებს და მოიფიქრებენ ამბის საკვანძო მომენტებს:საიდან იწყება ამბავი, რა გადახდება მთავარ გმირს და რა მიმართულებით უნდა განვითარდეს ისტორია.

როგორ იქცევა ცალკეული იდეები ერთ შეკრულ ისტორიად?

ბავშვები გაეცნობიან მოთხრობის აგების ძირითად პრინციპებს; ისწავლიან, როგორ ვითარდება ამბავი დასაწყისიდან დასასრულამდე. პროფესიონალი მწერლის დახმარებით, მოფიქრებულ მოვლენებს ერთ სიუჟეტად გააერთიანებენ და საკუთარი მოთხრობის წერას დაიწყებენ.

ბოლო შეხვედრა პატარა ავტორებს დაეთმობათ. ისინი  ისწავლიან, როგორ გადახედონ უკვე დაწერილ ტექსტს და გადაწყვეტენ, რა შეცვალონ იმისთვის, რომ მკითხველისთვის მოთხრობა უფრო გასაგები და საინტერესო იყოს. თითოეულ მონაწილეს ექნება შესაძლებლობა, საკუთარი მოთხრობა ჯგუფს წაუკითხოს, მოუსმინოს მათ და მიიღოს უკვე ნასწავლზე დაფუძნებული უკუკავშირი.

პროგრამის ბოლოს თითოეულ ბავშვს საკუთარი, დასრულებული საავტორო მოთხრობა ექნება.