რამდენად დარწმუნებული ხართ, რომ თქვენმა შვილმა იცის, როგორ მოიქცეს სახიფათო სიტუაციებში?
პრაქტიკა აჩვენებს, რომ უსაფრთხოებისთვის მხოლოდ წესების ცოდნა საკმარისი არ არის. ამისათვის აუცილებელია, ბავშვმა იცოდეს საკუთარი ემოციებისა და სხეულის სიგნალების ამოცნობა, საზღვრების დაცვა და შეეძლოს საჭირო დროს დახმარების თხოვნა. „უსაფრთხოების პროგრამა“ შექმნილია იმისთვის, რომ ბავშვებმა ეს საკვანძო უნარები პროფესიონალი ფსიქოლოგის დახმარებით გამოიმუშავონ.
ოთხი შეხვედრის განმავლობაში ბავშვები თამაშებით, ისტორიებით, როლური სიტუაციებითა და სავარჯიშოებით ისწავლიან საკუთარ თავზე დაკვირვებას, გადაწყვეტილების მიღებას და არასასიამოვნო ან სახიფათო სიტუაციაში მოქმედებას.
ი. აბაშიძის ქუჩა 59, თბილისი 0162
Host · ბავშვთა ფსიქოლოგი
ივანეს საქმიანობა უკავშირდება ბავშვების მხარდაჭერასა და მათთან მომუშავე სპეციალისტების გაძლიერებას. მისი მიზანია, ხელი შეუწყოს ხარისხიანი განათლების ხელმისაწვდომობასა და უსაფრთხო გარემოს შექმნას თითოეული ბავშვისთვის. ივანე აქტიურად მუშაობს საქართველოში ბავშვებისთვის პირადი უსაფრთხოების სწავლებასა და ზრდასრულების ცნობიერების ამაღლებაზე.
