უშეცდომოთა ქალაქი

ნუცა უშიშარი და მამაცი გოგონაა... უფრო სწორად, თითქმის უშიშარი, რადგან ისევე როგორც ყველას, მასაც აქვს ერთი პატარა შიში: შეცდომების დაშვების. ერთ დღესაც, როდესაც ნუცა თავის ოთახში მოწყენილი იჯდა და დაშვებულ შეცდომებზე დარდობდა, მის ფანჯარაში უცნაური ნემსიყლაპია, კოღიტო გამოჩნდა. სწორედ აქედან იწყება თავგადასავალი, რომელიც გოგონას თავს ჯერ ბრძენი სოკუტეს ქოხში, შემდეგ კი ჭინკების ნაცრისფერ ქალაქში ამოაყოფინებს. ამ უჩვეულო მოგზაურობაში ნუცა მნიშვნელოვან ჭეშმარიტებას აღმოაჩენს.